DAY 1:
朝早八點鐘去到Lampugnano 站(CENTRAL BUS STATION)去搭MEINFERNBUS :)
威尼斯之旅正式開始~~
因為琴晚訓得果3-4個鐘...
所以一上車都要即刻訓教~ 大約4個鐘車程會到~
一到左威尼斯之後~一見到 唔係幾對路..
點解唔似威尼斯... 因為-_- 我印象中既威尼斯唔係全白色....
btw 雖然個central bus station有啲伏...
但係最終都可以行到去大運河到 :o)
首先~~ 餓餓地緊係要搵啲野黎醫下肚啦 ^3^
隨便簡左間平平地既餐廳~~ 點知有意想不到既驚喜 @0@
左圖既墨魚汁真係好好好好食...
除左好有蒜香味同墨汁味之外..
墨魚粒亦都好林 ^3^ 係我食過最好味既BLACK INK PASTA~
呢間餐廳Da Nina...
位置我唔識形容... 不過你睇上圖會見到條紅色橋... 呢條橋係必經的
見到呢到行過黎就ok
墨魚汁pasta 15歐 正正正正 5**推介 一定要試:)
肉醬千層麵亦都係好好味的.. :p
13歐 ^3^
黎到venice... 周圍都係小河流~
無巴士... 無地鐵....全靠船既地方...
真係好靚好靚....
食完飯係運河附近行左一陣就要出發搵民宿了 ~
以為民宿好易去...可以有時間出返黎行陣
點知慘烈既事情發生了 :( -_-.......
威尼斯既巴士唔似得其他地方咁..
站同站指示得咁清楚... 事實上
根本唔會有人可以係巴士上面逐個站對住~
因為... . ... . . .. 巴士上面係無任何站既顯示牌....=______=""""
所以.... 我地見唔係好對路就落左車....
點知一search google map...
如果用腳行去民宿....係需要45分鐘步行的 @0@......
附近無其他巴士站..... 真係唯有用自己隻腳去救自己喇...
當我地一路行既時候....就好似入去南生圍咁-.-"
仲要係行馬路邊-.- 加上仲要揹住10幾磅行李...
真係咪話唔辛苦...
一行到入去... 真係舒服哂 :(..... 打到呢到...
我地既下場係...... -_- 自己買料煮飯食
如果要知道好玩既野
就繼續留意day 2行程喇~
~~~~~~~~~~~~~~~~~~~~~~~~~~~~~~~~~~~~~~~~~~~~~~~
day 2
友人們將今日行程plan得太豐富了...
所以神咁早九點就出左門口 ^3^
突然覺得啲時間多左好多 :p
提提大家 : day pass價錢
1日20歐
2日30歐
3日40歐 :p
大家自己衡量下邊樣最岩自己啦:)
我地今日總共有3個島仔要去
第一個叫做Murano 穆拉諾島
建議如果大家係秋天or 冬天去venice 唔係影相發燒友既話真係唔好挑戰企外面....
啲風係會吹到頭都暈的 :(
尤其是去到呢啲海上面...
啲風迎面吹埋黎....都咪話唔爽yy
Murano 最出名就係玻璃手工藝品..
極大部分既玻璃製品都係呢個島啲人自己整出黎 :) 出黎做手信就最岩 :)
但係.....價錢就真係唔係好affordable...
同埋所有舖頭既貨品都有copy right..
基本上都係唔比影相的
行到最入... 有個地方係可以免費睇人吹玻璃..
不過作為一個有品既遊客 當然要比返啲tips做鼓勵啦 ^3^
完左Murano既行程就輪到Burano彩色島喇 :)
呢個島既所有屋都係五顏六色..紅橙黃綠藍靛紫都通通會有齊...連tiffany blue都有 :o
而且一定唔會同左右隔離撞色...
真係好靚^3^七彩我至愛
聽聞友人話因為夜晚可以用黎認路返屋企 :o
唔知係咪真係呢 :p
行到咁上下就要搵返間餐廳醫下肚..
但老實講...呢間餐廳既墨魚汁意粉遠比琴日果間難食好多..
但係出奇地Carbonara係勁好食的 :o
有Parma Ham既pizza真係好咸...唔講得笑
下次都係唔好玩命
最衰今日天色好似唔多好...
如果唔係影啲相一定靚好多 .. :)
唔知意大利係咪真係咁出名斜塔...-_-
未洗去pisa已經見到大大棟斜塔係我面前
呢到係Lido... 係我地今日去既第三個島...
但係無咩特別...係到唔多作介紹喇..
但係唯一值得一提既係... 呢到係無河渡的..
行到咁上下就返返去聖馬可喇 :o
呢到係重點遊客區...所以見到好多黑人hard sell神棍係一啲都唔出奇...
黎到呢到記得小心保管自己財物喇 :)
呢到有條好出名橋...叫做嘆息橋...
據聞係比死刑犯行的 ...
橋既兩邊係監獄同埋法院...
所以通常都係死刑犯行刑前行過既地方...
行過既人都會係到嘆息...
所以得名嘆息橋 :)
啲死刑犯行既最後一刻 可以通過窗外面睇到Venice風光 ....其實諗起都幾sad
呢到就係好出名既聖馬可廣場..
Piazza San Marco
係威尼斯既地標...
呢位友人D係都話要拎J po佢張相上網衝一衝點擊率....=_=
大家都知我唔會....or極少擺人樣上網
即然你咁想...順下佢意啦...
入夜後的聖馬可廣場~
呢隊band好正...
我舉起大拇指 like佢既時候 即刻大叫thank you.... 但佢果陣仲係拉緊violin :o)
夜晚就黎到呢間Beppine..
有好多款唔同語言既menu... 亦都有中國人waitress...
啲價錢都幾平... 每個人食左around 13歐到就夠飽 ^3^ 值得一試
特別推介 千層麵 :)
威尼斯之旅就此結束...
下一站暫時未決定... :)
所以幾時update blog都未知:)
繼續留意啦 ^3^
上左由oslo去bergen既火車....
