[Exchange第十一站]德國 - 天鵝堡 Hohenschwangau / 慕尼黑 Munich day 2

 今日我地一早起身 就去左位於接近奧地利邊界既天鵝堡 :) 所以都同慕尼黑市中心差遠嫁 :P

朝早9:53am搭左班開往Fussen既火車..
搭左大概2個鐘頭到  就係總站落車喇:p

 沿途風景真係幾唔錯嫁:o

 係Fussen落車之後 跟人群行就岩嫁喇
因為黎得呢個站 十個有九個都係去天鵝堡的 :)

 跟住人行就會見到巴士站..
搭78號就會去到天鵝堡既山腳嫁喇 :)

ps:搭完仲要有排行

 圖中就係新天鵝堡:)

呢個係廁所賣飛的:) 唔洗入去嫁喇HAHA

落左車之後...就會見到間熱狗/腸仔店... :)
啲野都唔係特別貴... 可以一試
不過有樣野好特別既係....


右圖果個....竟然係熱狗(3.5歐)=_="
我見到都o左咀...-.-  










再行上去就會見到個售票處...都幾多人排隊..


我同友人們排左成半個幾鐘隊先入去買飛 :(

價錢(STUDENT) : 新天鵝堡 + 舊天鵝堡 21歐
                           新天鵝堡 + MUSEUM 18歐
                           舊天鵝堡 + MUSEUM 21歐
                           3個玩哂 : 29.5歐

 通常都玩兩個既...但係果兩個堡其實同一般MUSEUM無咩分別..

 順帶一提...買POSTCARD可以唔洗咁急買...
呢到有啲4毫既POSTCARD...但都唔係最平...
最平果啲係哂新天鵝堡入面 只係賣3毫子...

以上呢一段係友人特別要求我打的...hahahah


新天鵝堡因為係好遠既山上面...
如果唔想行咁遠就可以坐馬車... 價錢係6歐一程... 但行下山都幾正:P 又唔熱

我同友人首先行左去Alpsee..
呢個湖真係清到見底...尤其搭埋咁猛既陽光
真係好靚好靚 ^3^
啲相全部唔洗執都好靚lu..

 天鵝堡周邊當然有天鵝啦 ^_^

我諗呢個咁靚既景真係唔係咁多遇到..
要配合天時地利人和...
如果天氣唔好就乜feel都無哂
所以話...運氣都好緊要

睇完湖就可以上去睇城堡喇:)
一路行上去都會有勁靚既小屋風景草園...
如果香港都有咁靚既景就好了..
同埋條路真係幾好行... 除左係條路有馬屎之外.....-_-

 我地首先黎到舊天鵝堡... 望落去雖然無新果個咁靚...但係夜晚有射燈就無得彈 ^3^

大約行左15分鐘... 就會到舊天鵝堡

 外觀係典型既城堡... 不過我麻麻地鐘意個外牆顏色... 因為有色差...  正常睇落去係更加深色.... 好似芥末咁既顏色..

 城堡周邊有好多噴泉...
其實啲水係可以飲的...
不過睇你夠唔夠膽喇....:p

 由於天鵝堡內邊係嚴禁拍照...
所以一張相都無影到..
為左做個懶有質素既遊客...
唯有乖乖地守規矩啦...

 行完舊天鵝堡之後...就輪到新果個喇 :)
今次呢個就要行好遠喇...
如果係後生仔行既話...就大概30分鐘行到...
如果有老人家一齊黎既話... 就起碼要預多15 分鐘喇 :)

不過舊天鵝堡行去新天鵝堡中間係要落山再上山.... 係唔會有路直行過去的..
呢方面都幾麻煩下...

 由於呢次沿途風景都無咩好睇..
相就唔放喇 :)
直接放啲係山頂影既就算 :p

 外觀黎講我覺得呢個係靚過舊果個好多...
可能係因為佢係山上面...
遠睇果個觀感好正 :)

 由高處望落黎....無得頂..

 (舊天鵝堡) 雖然日頭睇個樣麻麻地....但入夜之後反而靚好多 :)


 影完呢張相之後
收到友人既通知.... 巴士會係5分鐘後開出
又再一次奪命狂奔400米追巴士...
我怕再追多兩追真係隻腳都唔洗要...

 好彩趕得到...
跟住去到fussen之後就搵左間Kebap黎食:)
入面係賣土耳其野...個包勁大個..
但係賣4歐ONLY^3^ 都真係好抵!!










咬住個包又返返去db搭車走人返返munchenLU~~