今日又係一日好CHUR既一日..
參加冰島既冰川健行係需要好早起身...
大約七點九就要去PICK UP站到等嫁喇..
之前都講過冰島冬天既SUN RISE大約係10點半到..
旅程由八點半開始.. 搭兩個鐘車岩岩好天光...
岩岩天光既時候就去到一個好多ICELANDIC HORSE既地方..
由於我之前睇左啦...
所以我就無落車影LU...
去到冰島之後..
最令我驚訝既係...
呢到竟然一啲雪都唔睇到...
仲要周圍都係草地...@0@
同我想像中既冰島極大出入...
今日第一個景點就係冰島其中一個出名既瀑布---skogafoss waterfall
呢個同前日睇到果個好唔到...
呢個高六十米...一次就落落黎..
唔似之前果個咁分成兩段.. :)
不過呢個因為可以好近距離咁睇到...
所以就感覺上宏偉得多...:)
但係今日有少少大霧
影張睇得唔係好清楚...
不過都係幾震憾既~
相中既紅衣女士就係我本人喇...
我當時就一個箭步衝緊去個瀑布到影相...
點知噴到成面都係水 同埋成身濕哂..
但係開心既 B-)
其實可以再行近啲..
不過真係頂唔順啲水係咁飛埋黎haha
所以都係放棄左喇..
為左可以多個唔同既角度影下相..
我地決定行上呢條神咁高既天梯...
講真啦..
真係行到腳仔都軟先上到...
有畏高唔好望落黎...
真心係幾高下...lol
去到觀景台仲高過個瀑布...
可想而知行到有幾高啦~~
望落去一個大草原都幾心曠神怡既~~
幾enjoy有呢啲景...
由於係到逗留時間得九個字...
所以係上面留左唔夠五分鐘就要落返山..
而家就上返車出發去lunch lu..
去到中途站有個一個鐘既break同lunch...
冰島通常要食既有海鮮同羊肉湯...
而我今日就試左個羊扒喇...
因為我幾鐘意果浸so味..
友人既蔬菜湯:)
生魚舖面既"open sandwich"
有啲似...但唔係open sandwich黎
羊扒薯條... 雖然好熱氣
但我覺得幾好食
食飽要出去兜返個圈...
今次我就去睇一個洶湧澎拜既海lol 同埋....一條擎天柱
呢條擎天柱既高形真係有啲似.....lol
一個巨浪com埋黎真係會好危險..
所以記得要離海邊50米以策安全~
其實呢個都係其中一個景點..
但係就茫到乜都睇唔到lol
終於....終於都到左今日既重頭戲..
就係Glacier Hiking...
其實我今日搭車既時候.. 我已經心諗...
冰川到底係邊?_?
到地目的地之後....
終於都明白係咩一回事..
Sólheimajökull glacier
呢個就係我地今日要行既冰山喇...
當然...行冰山之前..要著少少裝備啦...
安全最緊要
第一要著既就係一對防水防跣既鞋~
如果行團租就七歐一對...
建議租左會好啲既...
但防水褲就真係唔洗喇..
第二樣要著既就係釘鞋...
行冰川最重要既裝備...
無左呢個 你行一步都一定會跣落黎...
所以呢個免費提供既..
不過呢... 呢條褲就唔洗租喇...
我地既友人比我地笑左好耐...
拎齊哂野就可以行去冰川既山腳準備喇..
同埋有仲樣野...手套都好重要..
拎住呢舊野係會手都冰埋..
有冷帽都最好用埋... 因為風會吹到啲頭髮好亂...擋哂視線
向冰川進發了!!
行左大約十五分鐘.. 就會去到冰川既山腳..
係到有樣野想分享下..
.呢個冰川係十年前既size大約比而大三分一... 甚至一半...
係短短既十年已經變得咁細個..
可想而知... 冰川既熔化速度真係快到嚇死人..
所以 保護環境真係好重要...
友人既泥鞋...
開始我地既冰川健行喇!!
首先要著對釘底...
要靠佢黎插住啲冰防跣嫁喇...
所以一定要綁實少少
值得一提...呢一座唔係雪山...
而係實實在在既一座冰山...
所以每行一步都係heavy step..
要好大力鋤落啲冰到先係企得穩...
第一次咁樣行冰地..
又斜啦...啲路又窄...
每行一步都好似完成左個achievement 咁..
但係行得咁辛苦都係值得既...
世界既自然奇觀都會一一映入眼簾..
你會不禁心諗...呢個世界真係好奇妙
有教練帶住...個心都會定好多
成個冰川健行大約會行個幾鐘...
係冰地行個幾鐘係一件幾攰既事...
所以最後... 我地都攰到傻..
腳底都幾痛下
最後要離開呢個冰川... 真係幾唔捨得...
唔知我下次黎仲見唔見到佢呢?
時日旅程洗費: 166歐 (報團) +羊扒 20歐
grayline : south coast, waterfalls and glacier walk
