[Exchange第二十八站] 芬蘭 - 赫爾辛基 Helsinki 一日遊

 今次呢一站就去到芬蘭既首都赫爾辛基 Helsinki.... 呢個國家係位於愛沙尼亞既北方..
只係一海之隔.... 東歐就變左北歐喇...

如果大家係冬天去芬蘭既話...
建議大家要係central station store左行李先..
因為咁凍既地方拎住行....真係好好好好好辛苦

呢到既locker 大約4-6歐...分大細..
一租可以租24個鐘頭..:)
share都幾抵的...

 呢個就係central station既main building...
都有幾多野行嫁...
亦都會有野醫下肚...
不過同一般central station 有少少唔同..
佢地既舖頭都係細舖頭為主...

 其實我覺得....芬蘭人係幾好既:)
因為好多local見我地頭望望都會主動過黎幫我地.... 幾nice...

不過外型我就麻麻地:)
唔太係我鐘意既style

 一踏出central station...已經見到周地都係雪堆....只要唔係人行既地方...就會有啲雪山...
但人行既地方就好容易會跣低...
但timberland係無問題既 ^3^

 芬蘭既電車同其他地方差唔多...
都係expect左你買飛...
但如果搭霸王車都罰得幾甘嫁...

day pass : 8歐
單程 2.5歐

 我地今日第一個景點就係市集廣場Kauppatori ... 係central station 搭2號tram過去3個站就到嫁喇...  (往brunnsparken方向)
坦白講...呢個地方我係有期望的...
但係去到只係見到幾個攤位賣下野...
就有啲失望... 但係個結左冰既海景真係無得頂....  (其實係因為日頭好好天...)

 見到每攤都係賣啲差唔多既野...
的確係覺得有啲伏既..

 不過成地雪都真係唔會係香港見得到...
黎呢到要睇多幾眼喇....(講笑xd 其實stockholm都大把...不過無呢到咁誇)

 見到咁大座雪山....
點可能唔會朋友玩雪戰.....
哈哈哈哈.....
不過奇怪既係...  呢到既雪整唔到雪球 @0@... 太鬆軟

 呢個景色都抵返哂既...
雖然個市集都係..... =_=

(其實附近有個芬蘭大教堂...都幾靚.. 時間鬆可以去下...不過我地就無行過去lu)

 去完市集....係時候搵野醫下肚...
係tourist center有個staff 介紹間餐廳...mainly係食海鮮既....
特別介紹左魚湯....
作為魚湯迷既我點可能唔去試下...:)

由市場行過去大約12-15分鐘..

 呢間餐廳叫rivoli..地址 Albertsgatan 38

 雖然比個menu既價錢嚇親...
但係為左魚湯... 都要去試下既..

 由starter食到dessert...total 27.8歐...
其實講真又唔係話真係貴到負擔唔起..
不過我地食親既main都係10-15歐..
相比之下呢個就真係貴既...
但係食物質素就當然係正啦:p

所以我都係建議大家有餘錢可以黎試下豪人生活~

 呢個真係傳說中既魚湯....
味道好正...酸酸地帶有好濃既魚湯...
好鮮.... 仲有兩粒好滑既三文魚同青口...

不過最美中不足既係.....分量太少喇...
幾啖已經飲哂

 呢個main係beef黎...
有少少羊既so味...
上面仲有一塊煙肉夾住塊香草...
幾新鮮既味道:)






呢個亦都係重頭戲之一..
法式焦糖燉蛋...  焦糖面脆已經不在話下...
裡面個蛋真係好好好好滑...但又唔會係水狀...好正 :p

 其實大家淨係睇呢張相...應該就估唔到係乜野餐廳...其實呢間係burger king...
係咪好堂皇呢hahahhaa....

 返返central station 之後...就去左對面商場行下...其實琴日已經黎過一次...
不過今次就多左啲友人...唯有帶佢地行多次啦:p

最底有個大型既化妝品店.. 都幾好行嫁..
不過就無咩souvenir shop...

 就黎又天黑喇...
呢到既日照時間一到冬天真係好短..
日日都唔夠時間用..

 襯仲有少少日照時間...
就拿拿聲去我地最後一個景點...-----
岩石教堂

顧名思義就係同岩石有關啦...
呢個都算係我去過咁多個教堂入面最特別同埋反傳統了...

 雖然啲大雪包住岩石...
但隱約都睇到少少..

開放時間 : 10:00 -17:00
fee : 免費

 滿佈岩石既牆都真係第一次見 :)

 唔知係咪太夜去既關係...
入面已經無人....

 正常白天應該會有日光射入黎...
但白天已經成為過去...
靠既只係天花既射燈..

 場內空無一人...

今日既行程大致都係咁多...helsinki其實可以睇既野唔係太多...

一日已經好足夠..

至於晚飯點解唔介紹?  因為...

好普通....兼有啲難食....

為免大家中伏...都係唔介紹喇:)

值得一提既係... 芬蘭既機場係最球最好訓既機場...

唔只啲座位有啲無arm rest...  

仲更加設有睡蛋...  即係比人訓教既一個大蛋狀既床位..

私隱度極高...

但係價錢就比較貴 :) 如果7人同行就會有特惠價17歐任訓...

6人以下就每人9歐 (1-3hr)  15歐 (4歐)  35 歐 unlimited

有興趣可以玩下... 都幾得意既 ^3^

不過拎J就慳返啲錢....訓出面算lu...

下一站:羅瓦涅米    探訪聖誕老人村