[Exchange第二十七站] 英國(威爾斯) - 卡迪夫 Cardiff Day 1-3

Sorry咁多位xd  因為拎J要考試既關係...
呢篇blog推左好耐先出...
為左補償...我會盡量打多少少野比大家睇haha

 今次我地黎到威爾斯...
其實英國由四大部分組成 - 英格蘭/威爾斯/蘇格蘭/北愛爾蘭 ...呢一次...我地離開左英格蘭地區...去到一個兩種語言既地方 ---威爾斯既行政地----卡迪夫

聽友人講...呢到既rugby同埋cardiff University既醫科好出名嫁:p

不過講真...如果唔係有fd係到Exchange... 我都未必會知道呢個地方既存在^3^

呢排都唔係幾好彩...  出門既時候有少少雨...同埋個天好陰下...
不過英國既氣候都算係幾唔錯..冬天唔會太凍.. 起碼唔會好似stockholm咁會成日落大雪先:p  行路都唔驚跣親

 Cardiff最主要既景點有三個
1)Queen street
2)Cardiff castle
3)千禧球場

最鐘意行街買野既你 ...
呢到既queen street絕對滿足到你地對購物既渴求....要平既可以好平...要名牌...呢到一樣有!

 係英國見得最多既...唔可以唔數既就係有Mark & Spencer啦!!不過香港都有既我就唔介紹咁多喇haha

行到一個大型購物商場..你想搵咩...
呢到一定滿足到你xd











Primark係英國其中一個極出名既店舖..
入面賣多數都係生活用品...
價錢都幾可觀~~ 唔算貴~
我同友人都好鐘意行嫁:p

 呢到就係queen street既大街...
見到周圍都係店舖...
就知呢到一定係好多野賣啦haha

 呢間店對我黎講都幾特別:)
因為係可以自己整公仔...

首先簡好塊卡通人物既外皮之後...
工作人員就會幫隻公仔塞棉花..
我都係第一次見到人地自己整公仔haha...
塞完棉花仲可以自己簡自己鐘意既香包...
咁隻公仔就會香噴噴嫁喇:p

用黎做生日禮物都唔錯:p

 當然呢到係有現成既公仔賣啦~

 Pound world係繼primark之後第二個鐘意行既舖頭...
概念同香港既十蚊店差唔多..
所有野都係賣一鎊:p
賣啲野比較平民化...

不過我就係呢到買左幾包狗糧...:p
唔知我隻狗侄女鐘唔鐘意食呢hahaha

 見到呢舊野就知到我地就快去到cardiff castle既正門喇:p

 呢座城堡好有歷史價值嫁...
由3世紀到而家...
都有成千幾二千年歷史..

 不過入去睇都真係幾貴嫁...
一張飛要成十幾鎊...
所以為左慳返少少錢食野...
都係無入到去睇嚕...^3^

 不過係出面影都算幾靚既...

 入面草地呢個area已經係paid area黎...
所以都係唔入得 :(
不過我真係第一次見到...連souven店都係paid area... .-口-

 cardiff castle出面既鐘樓..

 行下行下...又黎到cardiff好出名既球場----
千禧球場 Millennium stadium

呢到好興搞七人欖球.. 有興趣既你黎到cardiff點能夠錯過:)
不過一張飛都幾貴下...  記得帶夠錢至好黎haha 

 呢到飛上天既動物都特別大大隻隻...
我從來未見過麻雀size既動物係天上面飛...
呢隻都算係我咁耐以黎見過最大隻既飛行動物:o

 最後要介紹既呢間...
係一間台式飲品店...
總算搵返香港既感覺...
因為拎J太耐無係香港:(  間唔中都要飲返啲鄉下野....如果黎旅遊就唔好買喇haha

第一次見到咁多繁體字 lol












黎到英國...點可以唔食多餐burger and lobster ^3^介紹過咁多次...唔洗介紹啦haha

呢包朱古力可以特別講一講...
係英國... 有種朱古力都叫做幾出名...
叫Hotel chocolate..
入面有賣一隻朱古力叫salted caramel cream
朱古力既內裡係好流心既焦糖味cream...
6鎊半有16粒... 
做手信幾好嫁:p  建議大家試下












好喇:p cardiff基本上一日可以玩得哂既...
點解拎J留咁耐... ? 純粹因為5號機票平haha


下一站 : 芬蘭　赫爾辛基 Helsinki 14/1