跟著拎J去exchange: [Exchange第三十一站壓軸之旅] 冰島

Exchange左就快半年... 呢半年好似眨下眼就過咁... 第一次有感覺到時光飛逝既感覺...

係時候黎到最後一站 ----- 冰島..
唔知點解用冰島黎做壓軸特別有感覺...

冰島係我其中一個好期待既地方...
聽唔少朋友講...佢地既自然景觀好狀麗.. 唔係度度歐洲既地方都睇得到..

一向最愛自然景觀既我... 又點可以錯過冰島呢個地方呢?

講左咁耐... 今日都終於開始冰島游...
係開始之前 ..可以大約講下冰島既氣候...

其實我未黎冰島之前.. 都以為冰島係冰天雪地...白雪茫茫既地方...
點知黎到呢到之後先發現....風仲大過雪...水仲多過冰...

反而係驚跣親多過凍親... :) 又學左樣新野...
比起聖誕老人村既-23度...
呢到既6度...真係小巫見大巫...

係冰島旅行...其實十居其九都係跟tour玩...因為有coach接送同埋一定唔驚蕩失路...
又唔洗自己plan...加上冰島交通唔方便...
所以啲人都係寧願比錢跟團玩唔洗煩...
當然拎J都係其中之一啦...

所以今日就簡左iceland 其中一個好出名既tour------golden classic circle tour...

聽左友人blogger既建議...我地無簡到afternoon tour...因為冬天日光太少...
所以都係簡返classic會好啲... 可以用盡日光時間:)

冰島有兩間最主要既旅遊公司...
1) greyline
2) reykjavik excursions

咁今次就率先試下greyline既service啦...

今朝天未光就去左等旅遊巴pick up...再車我地去coach station到上架更大既大巴...
所以一團人都起碼有50人嫁.. 世界各地乜人都有

係冬天最好就係跟9:30開始既tour...
因為去到景點就岩岩好10點半天光...
咁就very good喇...

唔知係咪因為太早... 有啲啲眼訓...

架車行左無耐已經開始見到雪山咁既物體出現.... 不過唔洗大驚小怪..
因為冰島周圍都係山...
一到冬天周圍都係雪山...
今日既旅程... 其實每一站都會見到雪山既蹤影..

去到目的地岩岩好就係sun rise既時間...
天岩岩開始光就第一個景點----辛格維利爾國家公園（Thingvellir )

呢個係一個National park..有咩特色..?
陣間就會逐一話比你知!

今日天色偏多雲..
間唔中仲會落雨..
加上冰已經開始熔... 令到冰地上面會有積水..
令地面更加跣...舉步維艱T_T

建議有釘鞋就著釘鞋...
無釘鞋就著對防水 + 鞋底防跣會舒服啲...

拎J對穿底timeberland就中左伏喇...haha

而家開始跟導遊去遊歷呢個國家公園喇..
講左咁耐...呢個公園有咩咁特別?

大家見唔見到左圖呢條大鴻溝呢?
見唔到?
睇下一幅圖啦..

呢條大鴻溝就係因為歐亞板塊同美洲板塊斷裂而成既...
換句話講... 即係我而家係企係美洲板塊同歐亞板塊既中間喇...
係咪好特別呢? ..

對鞋行到呢到都已經開始有少少入水...
今次死火了 T_T

導遊講英文太快唔緊要...
呢到仲有展板解釋比你聽!

係高處望返呢條鴻溝..
真係幾靚嫁...

睇完第一個景點..
係時候又要去第二個景點...
同樣世界聞名嫁:)

落雨去旅行真係幾唔好受...

漸見藍天.. 雨亦都停左了:)

第二個景點就係好宏偉既 Gullfoss Waterfall古佛斯瀑布
冰島語既意思就係 ---"黃金瀑布"咁解
由落車既地方落去瀑布只係需要五分鐘...
但因為地下真係好滑...記得小心為上...

慢慢行就行到落睇瀑布既地方...
果然係世界奇觀...
親身睇係靚好多...震撼好多....

不過值得一提既係... 啲風大到可以吹到我耳仔痛同埋差啲仆低...不容睇小...

呢個亦都係去冰島玩必睇既景點..
佢特別既地方係...waterfall唔只一段...
係有兩段嫁:)

兩個唔同既角度睇...影到既都唔同..

睇完第二個景點...係時候又到第三個喇:)..
距離瀑布大約10分鐘車程既地方...
有個地方係專睇間歇泉.. Geysir

呢種間歇泉係不定時地將大將泉水噴出黎..
有時係五分鐘... 有時係一次過噴兩次..
所以要影既話真係要長期錄影住先捕捉到嫁..

行去大間歇泉條路會經過一啲細既間歇泉...
我就唔建議係到等喇...因為係等到2046都未有水噴... 最多人圍埋就係有野睇既地方 :)
呢句野去到邊都岩洗:)

呢到就係大間歇泉...得呢個會成日噴水嫁喳..
由於我淨係拍左片無影相...
所以唯有係網上grap張圖黎比大家睇下啦..

小插曲...
間歇泉噴上天再落地係有個特定既方向...
拎J同友人T就唔知頭唔知路行左去少人既地方... 諗住可以兜一兜路返去原地..
點知.... 一聲 "BOOM".... 個間歇泉噴左水...
啲水既落地點....就係我同友人T企既地方.......

咁可想而知.... 我地一秒之內變左落湯雞係咩樣啦......
間歇泉噴水同下圖一樣咁震憾...而我地就食中哂呢啲水喇.......
sosad :( 唔怪得個位無人企啦....... 啲人仲係到笑我地兩個 :(
所以奉勸大家.... 企係人多既地方保護自己喇....

講起冰島既泉水..
香港人應該會好唔慣佢既味道...
因為冰島好依賴溫泉水...
連沖涼都係用溫泉水...所以啲水有好大浸硫既味道..
所以係冰島開水喉覺得啲水臭其實唔洗驚既:)
慢慢就慣嫁喇..

離開左間歇泉...就去到今日既第四個景點.. Skálholt church
中文名就唔知喇...:)

佢係1963年起好既教堂...
同一般既教堂外型唔太一樣...
有啲似小島既白色教堂...
同我地平時睇開既哥德式建築好唔同... 但我就比較鐘意哥德式既...

教堂內部 ....

教堂外型唔算華麗...
但係比人一算好純潔既感覺...
可能因為佢係白色啦~

崖邊既一對痴男怨女...

(其實係拎J既友人黎)

大家睇到...其實冰島無大家想像中咁"冰"
一樣有草地...

os : 其實我覺得Stockholm凍過呢到好多好多好多好多好多...........

去地今日最後一個景點...
Icelandic Horse Park

唔講大家可能唔知...
有一隻馬既品種叫冰島馬...
佢同一般既馬好唔同...
冰島馬既身型既較矮... 腳比較短..
但係佢比其他馬優勝既地方係...
佢有5種馬既步態.... 其他可能得2-3種..
而且有佢種步態叫fly pace...換句話黎講既係飛咁快既步速..