[出發前的準備功夫] 讓人一頭霧水和焦急的簽證

 聽組爸媽講，去exchange係一件有意義既事，會令你學到好多野，眼光放遠左，亦會令自己瞬間識得自理。本來我無諗過參加，一黎廢事屋企咁大開支，二黎我無信心一個人處理咁多事，所以我一直都無諗過要去exchange...  不過後尾又諗諗下，難得入到大學，我點能夠錯過呢個機會？一出黎社會做野，唔好話去長途旅行，就連去個日本都要左度右度。既然而家有咁既機會，我決定都係要試試。而今次既目的地，就係一個美麗而神秘既都市-----斯德哥爾摩Stockholm. 係我未出發之前，我聽說，這個城市由好多個小島組成，城中不乏古典建築，堂皇優雅，周邊全部都係小河流，有Venice of the North既稱號。淨係睇到呢到，已經迫不及待想即刻飛過去^__^

去Exchange之前，當然要整張學生visa :o)  不然人地3個月之後det你返香港就唔好喊喇，不過...想唔洗煩 唔整visa都有例外既 ^3^  去英國exchange少過半年就得喇 lol 話雖如此 整visa都係一個好難得既學習機會 既然有既係時間，整返張又何妨呢？

不過，老實講，我同我啲partner真係比呢張visa整到一頭煙 ... =_=

首先，你可以經由網上填form，同埋upload所需要既documents...
網址如下: https://www.migrationsverket.se/English/Private-individuals/Studying-in-Sweden/Universities-and-university-college/How-to-apply.html

或者親自去灣仔告士打道既領事館入表申請，但通常會比上網申請慢啲出decision..

你需要什麼？(必須)
1) passport copy
2) travel insurance
3) exchange university 既 letter of acceptance
4) 三個月內銀行月結單 (一定要eng version或中英對照)
     - > 證明你每個月有8010sek既洗費，如果你去半年.. 咁就要proof你有around 50000sek係銀行喇

附帶文件
1) 如有你咁犀利申請到scholar... 你係有需要上報既 :) 個proof都要upload埋嫁

不過拎J就無咁勁申請到:( 所以無得upload 

填完form就要比錢喇，申請一張visa要1000sek..即係大約900蚊港紙。其實都唔算好貴姐^田^

交左form 交埋錢，之後就開始漫長既等待生涯。要等瑞典果邊批你張visa係須要大約一個月既時間。而拎J就足足等左36日先有decision :(   當初仲以為有decision就係神仙...點知... :(

收到decision唔好咁開心住，你仲要去領事館打指模同影相嫁。記住執正啲個樣同埋記記記記住拎埋本passport去!!否則個職員有機會西下你面!個個國家既領事館既職員的唔係幾好老脾，瑞典果個都唔例外HAHA...

打完指模之後，大約等多2-3個禮拜就會叫你去多次領事館攞卡。今次就真係有得攞喇 :-p 終於結束等待既生涯，都係果句啦，記得帶passport同一定要親自拎。 後話: 好彩就兩個禮拜，唔好彩就要三個禮拜或以上喇....  呢啲野真係話唔定..

話說我8月17號凌晨上機，6月17號上網申請，等到8月13號先有得攞visa，真係險過剃頭，差啲要踏上改機票呢條不歸路... ;(   催極sweden同hk呢邊都唔show我地，搞到我同啲partner都急到賴屎。阿彌陀佛，好彩拎得切 :)  用文字絕對代表唔到我地當時有幾緊張同激動。所以，奉勸大家一句，最好預留最少兩個半月申請visa :( 如果好似我地咁，真係唔急死都嚇死 t_t 有驚無險 ...orz



瑞典visa...唔似得其他歐洲國家咁得張紙仔釘係本passport到...
而係一張好似身份證咁樣既卡比你帶出街.. 不過好似唔當得id card咁用
佢只可以證明你有居留權。
而你係領事館影既相，簽既名都會印係張visa到...
其實我都覺得幾high class lol 第時用完都可以用黎留念下 lol 

今日就打住咁多，其實我都有啲眼訓...
瑞典見 lol