[Exchange所在地} 瑞典-斯德哥爾摩Stockholm Day 1 &2

離開左多哈呢個咁沙塵滾滾既地方之後，就即將要去到拎J exchange 既所在地-----Stockholm 斯德哥爾摩喇 !! 真係好好好興奮。 由多哈搭過去STOCKHOLM大概要六個鐘...  我計落總共用左24小時先去到瑞典 :( 真係好攰好攰

 

 都係果句啦...QATAR啲飛機餐係幾好食既.. 不過就一定唔會有豬食囉:O) 

之前聽過講過話QATAR落機無bridge link... 但係出奇地今次竟然有@0@  同埋竟然有中文字 :o) 

 

一落到機之後，其實有好多種方法可以直達stockholm 市中心 central station... 1) 最貴但係最快既arlanda express 2) 最出名既flygbussama 3) 其他巴士

 

因為拎J比較懶惰同埋趕時間既關係， 就同友人簡左最貴既arlanda express...但講真，去stockholm市中心只係需要20分鐘...真係慳好多時間。不過價錢要sek 150...大約135蚊港紙...又真係貴左啲既 :( 算啦 鬼叫自己新生報到 呢啲錢係要洗下嫁喇

呢間就係拎J上網搵返黎既民宿既外面環境...幾好嫁 不過略嫌交通唔係幾方便...行去地鐵站都要成15-20分鐘 .. 不過外面有巴士直達景點，都算係ok啦  民宿環境就唔方便比大家睇喇 :o) 因為真係比我地搞到幾亂下..hahaha

https://www.airbnb.com/rooms/6638592#    入面真係幾新... 大家下次去stockholm都可以試下住... 勁近中央車站果邊嫁!!!

第一日去到民宿，個主人好細心同我地講解下內裡既設施同周邊既地方...

真係咁岩得咁橋...民宿主人就係讀緊拎J exchange果間U ....:p:p

過左成日...拎J同友人已經攰到郁唔到:( 個個沖完涼就乜都唔理即刻訓教...  

第二日，首先我地去左民宿附近既超市添置食物...因為要窮遊歐洲...唯有自己煮啦 :)

 呢邊既購物車要比10蚊先可以用....為左慳錢...唯有用呢啲啦...不過呢種購物籃都好好用嫁...可以拖地唔洗手拎已經好洗好用...^3^ (其實香港好難見到呢種)

 自從香港既出奇蛋變左核核突突既一pat野之外...好耐無食過朱古力蛋:( 見到太滾動喇!!!最衰拎J呢排咳... 如果唔係一定買成打返hall慢慢食..

黎到瑞典，拎J發現原來奶類制品真係比香港平得多...連haagen daz一盒家庭裝都係47 kr...即係大約41蚊港紙^3^ 正呀!

購物完一輪之後... 又黎返中央車站....其實要買咩卡呢到都買得到...

拎J為左方便  就係tourist center 買左張3日既stockholm card ...895kr ....

除左景點入場費free之外....連搭地鐵搭巴士甚至搭船都係free左:)  記得買左就盡搭喇!!

 其實stockholm周圍都好靚...靚到不得了...  對我黎講 根本到到都係景點 :o) 就算係坐係河邊望住條河一日 都唔會覺得悶 :)遠眺果座尖尖既塔 就係騎士島教堂喇!

 呢個地方係stockholm既市政廳 Stockholms Stadshus

紅色既牆磚令人望落去好有古典既風味... 不過好可惜... 個導賞團要book先可以參加...仲要神咁早親自book...睇怕我都係同呢個tour無緣嚕... :(

黎到老城gamla stan... 你會見到好多古色古香既建築... 包你係香港一定見唔到...  同埋一定會大叫:好靚呀!!!

呢到就係騎士島教堂Riddarholms kyrkan  入面平時參觀係要入場費 不過有stockholm 卡就唔洗喇 :o) btw 入面其實係一個天主教教堂...有好多天主教既徽章 

其實我都唔知呢到叫咩名...反正我呢啲未黎過歐洲既小毒毒...見到咩都當景點嫁喇...

呢到係位於古城既諾貝爾博物館...入面記錄左好多位諾貝爾得獎者既成就...拎J去既時候就見到門口寫住 5pm-8pm係免費參觀... 唔知下次黎仲係咪呢:o)

  呢到係諾貝爾博物館外面既環境... 周圍都係五顏六色既建築物....真係無得頂 影相一流!


呢個係以前古代瑞典人比丹麥國王下令斬首既地方.. 叫浴血廣場:)
想知歷史可以睇返斯德哥爾摩大屠殺

 stockholm既地鐵其實都係聞名世界...入面大部分既設計都係參考岩石..圖中呢個車站t-centralen 既藍色線月台...得閒可以黎望一望嫁

 拎J黎左兩日...仲未搞得清楚搭地鐵係點樣計錢:(  等我遲啲問下人再講下啦....  黎左兩日就已經見到有人搏大霧搭霸王車haha...

 呢餐係呢兩日食得最豪既一餐.. 雖然唔係正宗瑞典菜.. 但係都係香港好難食到的...

個薯仔真係好好味:o)

不過  Frank Steak 真係比較韌 :(

Frank steak with bearnaise sauce and potatoes au gratin( sek 159)

呢兩幅圖送比大家睇下啦....btw 我都唔知呢到係叫咩名
淨係覺得佢好靚 :) 影比大個睇下...