[exchange所在地] 瑞典 - 斯德哥爾摩 Stockholm day 4

 我好似開始習慣北歐人既悠閒生活...  以前去旅行次次都係趕頭趕命.. 呢個景點未睇完就拿拿林仆去第二個景點...貴多不貴精.. 搞到每個景點既印象都唔係特別深刻...

不過今次既exchange之旅...我決定要開始慢活既生活態度...咁樣真係會開心啲... 景點睇唔哂唔緊要...最緊要係記得睇過啲咩 lol :)

今日既行程 :
瓦薩號博物館 Vasamuseet->北歐博物館 Nordiska museet -> stockholm遊樂場Grona Lund ->水族館Aquaria-> 國王花園Kungstadgarden

 首次我地搭55號巴士出發... 去到Kungstadgarden站落車 然後轉7號tram..係Nordiska museet落車就到嫁喇:)

左圖就係7號tram既樣...有啲似香港既輕鐵:o 不過人地係上車之後有個職員會負責查飛...如果有買stockholm卡..就比佢嘟一嘟就搞掂 :o)

 落左車之後見到勁大個類似城堡既屋 lol 其實果個係北歐博物館黎..坐係棵樹下面..然後用博物館做background...幅相一定會好有feel ^3^  今日拎J已經試左 haha







由於拎J覺得vasamuseet個門口好似無乜特別所以就無影:) 見諒見諒

入場費: sek 130 adult
             sek 100 student
             sek 0   for 0-18歲 / stockholm 卡

不過入面又真係幾有特色... 用一個沉左既船黎做主題.. 不過拎J同友人研究左一陣....究竟架船係點入黎??

入面既燈光比圖中既暗得多...如果大家要影靚相... 就最好練到隻手定啲較大啲個光圈喇:) 呢幅相我都係影左好多次先影到唔out focus :(


呢架船係係1628年建造既戰船...係8月10號啟航。可惜行唔夠一公里就因為比風吹失中心沉左...  原因係因為個國王下令要改圖則...令架船承受超重既壓力...頭重腳輕   呢個意外令超過50個士兵死亡... 200幾人墮海...  船身係333年...即1961人先被人打撈返上黎。由於波羅的海既salt content 低...所以大部份原件都得以保存... 但係呢隻船每年都會因硫酸侵蝕而萎縮..所以要成日保養ga :)

呢隻船係佢既仿制品...船尾掛左好多金造既公仔雕像...華而不實...唔怪得之架船咁快就沉啦

其他野留返你地去呢間博物館再睇啦:) 我都唔劇透咁多喇







 呢個就係北歐博物館既正門...
入場費around 100-120 sek...我都唔係好記得...
但其實呢個博物館....本人覺得無瓦薩號咁好睇...因為佢無一個特定既主題...同埋展品都唔係太過吸引... 如果大家無咩時間去stockholm玩... 建議可以skip一skip呢個...當然有時間睇埋都無所謂既:)





用糖做主題既展館:)

 呢個就係stockholm既遊樂場 Grona Lund  入場費每人要sek 110... stockholm 卡free :)  但唔好以為入場費比左就係任玩:(  拎J就係唔知頭唔知路就去左排隊...  結果職員叫我比coupon佢既時候... 就即時口啞啞...原來每玩一個game真係要買coupon的... 要玩哂最少300-400 sek :(  都真係幾貴

結果同友人兜左兩個圈就出返黎了~ 因為啲機動遊戲基本上都會係香港玩到:)

 呢個係飛天韆鞦高級版...見到都腳軟-_-"












係Grona Lund 既隔離有個水族館叫Aquaria...唔好意思我又無影到正門... :)
入場費係SEK 110... 一入到去就好似入左個森林咁周圍都係樹同草...仲比我見到隻爬蟲@0@...

過左呢個森林就會正常返好多嫁喇...
比啲相大家睇下喇:)

 坦白講... 呢個mall係kungstagarden...係我黎左stockholm之後第一個搭入既shopping mall... 入面全部都係賣名牌既舖頭.... 所有你up得出既名牌都有齊咁濟lol  但就唔係幾岩我地呢啲o靚妹行lor...所以入左無耐知道無野食又出返黎






 跟住要介紹既就係呢間餐廳...係我黎左stockholm最好味既一餐...

地址係位於Östermalmstorg T-bana隔離..一間叫做Fridays既餐廳...一行入去...侍應會問你飲酒定食野... 跟住就會帶你坐低..


一行四人order左三份餐...其實都夠哂飽..因為佢每一份都好大份下...
















特別推介 :bacon crusted ribs  sek 209
係一份豬肋骨黎.... 勁嫩滑...味道一流 ^3^

中間係磨菇芝士雞意粉 :)
右邊係 daniel jack's chicken burger...



三個都好好味:p 推介大家去試下...由其係果個rib...賣單每人都係125kr喳!! 又抵又飽又好食...會再黎的