[exchange所在地] 瑞典-斯德哥爾摩 stockholm day 5

今日拎J無咩野做...因為stockholm必去既景點都去得七七八八...  景點同景點之間太密...基本上唔洗點搭車就可以去參觀下一個景點:o)  所以都好快可以玩哂... 建議大家可以用3日就完成stockholm既行程;)
而今日我就完成左IKEA朝聖之旅喇!...話哂IKEA係來自瑞典...難得一場黎到...點可以唔去睇下間總店呢:)  我仲有5個月要係到生活嫁嘛...XD 

 首先.. 我講下今日啲蝦碌野啦:P
拎J睇旅遊BLOG...以為IKEA專巴個站係國王花園kungstagraden啦...點知行來行去都搵唔到...跟住友人問7仔啲店員... 原來個巴士站已經去左central station :(  即刻灰左..

好啦...去到central station... 又唔知係邊個出口...係到行行行...突然靈機一觸叫友人睇下本旅遊書...加埋全能的google大神...終於搵到個站...  :( 何其滾動

我同友人差唔多用左成個鐘先搵到個站係邊... T_T  

好喇..  廢話唔講咁多... 先講下ikea總店點樣去先。 

首先搭地鐵去到central station之後...上到大堂...應該會見到M記..
面向M記既左手邊出口就會見到左圖既路牌...直行去到出口就見到個銅像。

過到對面馬路之後就轉右..  直行就會見到有條行車天橋.. 橋底就係個站嫁喇...其實知係邊都算係易搵..
如果都係唔識行就搵GOOGLE大神啦
地址:  8 Vasagatan

 橋底就會有大大個站牌寫住去IKEA
每搭正就有一班車...  10:00  11:00 12:00 ......去到19:00
而回程就係搭半一班...尾班車就係七點半..

 落到車之後就係大大間宜家傢私總店係眼前喇 @0@.... 咁就開始我既朝聖之旅 :)

 

其實啲肉丸既味道同香港既相差無幾...價錢會貴少少...不過熱狗真係好抵食...只係SEK 5蚊一條喳 ^3^ 圖中既MUSE就15蚊..  值得一提...IKEA總店係有WIFI提供..只要REGISTER一個ac就可以了 :)  個網絡快到可以用黎開skype hahaha

入到去個內籠就同香港既差唔多...總共有4層  但每層面積就大得多. 由其係ground floor..如果要仔細咁行我諗都要成3個幾鐘嫁...

呢到就係宜家傢私外圍商店...勁多野行
不過可惜今日時間唔係好夠... 行左一兩個就要返去

遲啲一定會再黎 :)
最緊要既係... 入面你想要既野都應有盡有...
我連旅行用既adaptor都可以搵到 :)

 sorry 張相背哂光...
但我都係要擺一擺出黎...
圖中既商店係一間勁大既電器用品店...基本上乜野電器電腦乜都有齊...
拎J個adaptor都係到買嫁 :)








今日個行程因為哂太多時間係等車:( 所以都無咩地方好去...全日都係行左ikea同周圍商店 :(
值得一提既係...我地等車返central station等左成個鐘有多...原因係 :18:30班車消失左... hahaha


下次update要等到去gothernburg先有喇:p  stockholm就告一段落嚕 :) ^3^