[Exchange第十八站]荷蘭 - 阿姆斯特丹 Amsterdam 一日遊

 係STOCKHOLM休養生息...自摺上堂咁耐..
終於都可以出去玩返個長TRIP...今次為期18日之旅..:)
第一站黎到AMSTERDAM...一個食草食到出哂名既城市...
未出到市區都聞到浸草味... t_t
由於琴晚夜機到.. :) 今朝可以一早出去玩喇:)
不過由於我地遲join fd既關係..
我既行程只一日咁多...聽朝就要去比利時喇:p

 就咁睇...今日天氣真係唔係太好..
不過唯一好好彩既係今日一滴雨都無落:)

amsterdam都有好多好鮮色既建築..
算係歐洲黎講好少有...
至於物價..我驟眼睇落就比德國貴少少.. 但係當然會平過sweden啦..

 我地民宿行去citycenter真係...好遠好遠../_\

 沿路行...啲buildings真係幾岩我口味...
不過在每棟個樣都好似一樣咁.... -_-

 不過我有一樣好唔鐘意ams既就係...
每隔唔夠5分鐘..就會聞到陣陣既...大麻味..
真係好臭...-_-

值得一提既係... 今日友人話比我知
係ams叫coffeeshop既就唔係真既coffeeshop.. 係一啲賣草既鋪頭..
如果各位真係想飲咖啡就唔好入去喇haha





今日第一站就去左ams好出名既風車村 ^_^
由ams central出發.. 搭大約20分鐘火車..
去到Koog-Zaandijk 既站落車...

拿老實講... 係ams既車費都幾貴下..來回飛7.2歐
我買左飛... 但係完全無拎出黎嘟過..
因為個閘係形同虛設...haha..
即係點...大家都明既

落左車之後...就跟住呢條路黎行...行到一個路口望向左邊就會有架好大既風車..
向住風車行就見到好多風車嫁喇:)

 呢架將會係你第一架見到既風車...
再過多一條橋就到世界聞名既風車村:)

 風車村周圍都係河.. 見到鴨仔打交一啲都唔出奇 :o

 行入風車村...你會發現好多屋仔都係綠色..
或者呢個係佢地呢個點既主要顏色吧.. :)

 行入一間soven店...見到忍唔住買左...8.5歐..
但係見到8.5歐千其唔好買住...
好戲再後頭... 有一間係賣5.95...  激死我 lol

而果間野係有芝士試食的...但位置同舖頭名真係唔太記得...因為真係好多間soven店下..

 荷蘭仲有另一樣好出名嫁...
就係木鞋同埋鬱金香... 
所以好多地方都會賣鞋製品同埋花

 風車村太約可以預三個鐘逗留...
不過唔好指意係果到會搵到野食...
食左野至好去 lol

 出返去ams central之後...係對面既大街叫做dam...呢到沿途有好多商店..行到一個好大既空地就係水壩廣場:) dam square..

 行到餓餓地...求其搵間野醫下肚啦...

 今次我自己order左all day breakfast...
講真...飽就唔飽嫁喇...5.95歐
不過味道唔差...
搭多一件pizza就岩岩好夠

 係DAM大街有一間叫紫色薯條..
呢間薯條據聞係好出名的..
我食左幾條確實係唔錯的:)

 係歐洲某啲地方可以買到鮮搾橙汁...
除左salzburg之外... 呢到就係其中一道

 500ml 賣2歐

 然後第三道必去既地方就係影ams既大地標..
i amsterdam...  :) 去親ams都必定黎呢到留影...  證明自己去過嘛^3^

 我好難先可以係人群中影到一張相嫁..
如果想少啲人.. 就係係背向影然係將張相左右倒轉....haha  不過會無左荷蘭博物館:)

講起博物館... 係ams有間好出名就係sex museum喇... 不過今次唔夠時間去:) 間野係紫色薯條隔離幾步路...好近嫁姐

地址: Hobbemastraat 19、1071 Amsterdam

 係dam square附近既步行街...
有好多nutella店... 有啲細細樽勁得意既nutella... -3-

 macaroon....2歐一粒...
有閒錢就買黎試下啦haha

 dam square

紫色薯條果個路口行入去..
見到wok to wok之後...再行前啲就會見到一間店叫maxican and steak (mama maria)
果到既燒雞同牛扒都幾好食...
不過記得叫medium rare...因為佢會煮到偏熟

 最後一站...就當然就要去下最出名既紅燈區啦...
我都唔夠膽係到影咁多相...  怕無命行返出去haha


櫥窗會有好多bikini女郎到扭下扭下...騷首弄姿聊男人兜生意... 






放大啲張相就見到嫁喇...
真係大開眼界...... @0@

好喇...唔講咁多...呢個景點留待大家自行欣賞啦:)