跟著拎J去exchange: [Exchange第二十三站] 匈牙利

呢一站拎J黎到位於捷克同斯洛伐克以南既國家-----匈牙利 -----首都布達佩斯

其實我琴日朝早就黎到嫁喇...
不過個個搭完通宵車...行左半日就返民宿沖個涼... 點知
係民宿攰到個個訓著哂...
天黑哂先起身...變相浪費左一日...
為左方便大家睇...
我將兩日行程濃縮做一日啦

每年去到呢啲時間就係霧季...
周圍都白濛濛一片...
BUDAPEST有樣野出名就係河景同山景..
但係如果天氣唔好....影既相真係唔靚...
亦都會好浪費嫁 :(

不過好好彩地.... 今晚啲霧及時散得切:)
還返個夜景比我:)
好啦唔講咁多...旅程開始

圖中呢條綠色既橋叫自由橋
橋既兩端分別有中央市場同埋budapest好出名既浴場Gellért fürdő:)

但如果要去果個浴場記得要6點前去同埋reserve喇:)

拎J就係無做足功課所以同spa無緣嚕...

琴日天氣太差...又凍...又攰
所以都無咩心機行...

見到啲景濛哂真係有啲灰灰地:(

Budapest其中一個旅遊活動就係行山...
不過見到天氣咁真係行條毛....-_-

呢個就係岩岩提及過既浴場:)
全budapest有3個出名既thermal bath..
呢個就係最出名果個..

去到第二日之後...天氣依然都係有啲濛..
但係都算係好過前一日既...

呢條橋就係全個布達佩斯最有名既橋---chain bridge 鏈橋 ...位於duna river 多瑙河
多瑙河將budapest分開左兩邊... 布達 / 佩斯
chain bridge除左外型同london既towerbridge有得揮之外..
佢就係以前將布達城同佩斯城連接埋一齊既橋...
所以而家先有布達佩斯呢個名:)

圖左有兩個左右門神係到...
係兩隻無舌頭既獅子...
至於點解無脷...我就無深究

位於chain bridge後少少(多瑙河既反方向)
有一座叫萬聖殿既教堂...
係一座基督教既教堂黎...
入面好多係講緊耶穌受苦既經歷..
無論信唔信教都值得一看...
既上面有個觀景台...比500huf (1.3~1.5 euro)就可以上去...

btw 我地今日走數嚴重失敗仲比人趕返落黎hahahahhaa 好7 千其唔好學東歐人脾氣真係好差... 個個都西口西面的

外面睇真係幾靚

cabbage roll 入面包住牛肉式雞肉..
外面真係用生菜包住...聞落去有啲泡菜味
我自己就無食...不過聽友人講味道唔錯的:)

亦都係HUNGARIAN FOOD既其中一道

教堂內部

唔係指示版寫我真係睇唔出...
入面係收埋一隻十二門徒其中一個人既手既化石...

仲要比錢啲燈先會著...
突然覺得都幾識賺錢

天寒地凍緊係要飲返杯 hot apple drink

行返去河邊...係時候去下一個景點

沿住河邊一直行...天氣開始有啲啲好轉..
開始有陽光...啲霧亦少左...
但依然都好似有沙塵暴咁濛:S

位於chain bridge 大約200-300米既河邊....
有道地方放左好多鐵造既鞋..
相傳以前二戰既時候...
有好多猶太人係呢到比人推落海屠殺..
但係果陣時.. 鞋係一樣奢侈品..
所以軍人會命令啲死刑犯落海之前除鞋...
諗住可以留返啲奢侈品.... 諗起班友都幾cheap-_-

所以為左紀念被屠殺既jewish 有個藝術家就用鐵造既鞋擺返啲鞋係岸邊比人觀賞..

.......
見到我兩位可愛既友人既波鞋..
我都唔知講咩好...
就等我推佢地落海

啡頂呢個就係匈牙利國會大廈

行過呢chain bridge...
就向更多既景點進發喇:)

budapest既河景真係無得輸..
如果天氣好就完美了

Mátyás-templom 馬加什教堂
前往方法 : 係chain bridge既橋口到搭16號巴士... 見到呢座教堂就可以落車:) 好簡單可以去到

一睇就知呢個又係哥德式建築物喇:)

係時候又去到食野時間..
匈牙利有種湯叫Goulash soup
係牛肉湯黎...好鮮好好飲...
基本上求其一間餐廳都好好食...
但係呢間...飯既size真係極細..
小心簡~

有樣野值得一提既係...
匈牙利人同捷克人都係一樣...
個個都西口西面...而且聽到pay separately
會即刻擰頭...黑面... 已經試過好多次..