跟著拎J去exchange: [Exchange第二十二站] 捷克

今日真係黑仔... 全日都無咩運行...
仲要係平安夜~ :(

話說今朝要好早起身由柏林搭巴士去布拉格...
以為今朝臨出門口之前放低左幾兩就乜事都無啦:'(
點知搭地鐵既時候...個肚就出事喇:(
突然間又搞肚痛要搵廁所...同友人們暫時分開..
因為急到要落車
點知原來柏林個個地鐵站都係無廁所呢樣野.... =____=
心裡面一萬句粗口要爆出黎....
死死地氣上返車啦... 去到berlin HOB之後 (不忘提提大家 : berlin個巴士總站係kaiserdamer站)
終於有廁所喇....但係要比0.5euro....
唉鬼叫我肚痛...死死地氣比左...
點知15分鐘又黎過....前後比左兩次錢...
去個廁所都要10蚊港紙=_=

好啦...去完廁所... 點知架車要DELAY 2個鐘...-.-
心諗...今日真係幾黑仔-.-
食西北風食左兩個鐘終於要上車:)
去到PRAGUE之後...去搵民宿喇...
點知個HOST遲到...搞到揹重野揹左勁耐T_T

搞完一大輪終於有飯食:) 好喇....開始PRAGUE 4分1日遊:)

去左民宿附近既錦宴飯店...
好食係幾好食...不過啲野有少少油 :)
位置: Štěpánská 625/42 (大約位置)

什錦鴨真係好好食^3^...中國菜真係好正:P
右為雞肉炒飯... 味道剛剛好唔會太咸

炸冰球.... 呢道甜品無咩雪糕味...
個皮好厚... 唔建議食呢個~

食飽飯就行下街...
其實歐洲過聖誕真係一次....一次就夠
雖然周圍都燈色都好靚....好有氣氛...
但係.......真係乜鬼都唔開=_=

相比之下....香港真係正好多:P
起碼乜都有得食...唔驚餓死

僅有幾間SOVEN店會開....
不過無咩買得落手...

想搵張POSTCARD都無~ =_=

不過今晚有段小插曲...
我個人不嬲同朋友一齊既時候警覺性就會降低... 加上平時比人搭慣膊頭...
所以有人搭我膊頭我都會以為係朋友...

咁岩今日我個頭另左去右邊...
左邊有人搭落黎...我以為係朋友...無理到...

點知係我身後...朋友叫我 :「Elaine快啲走呀!!!」跟住我望一望左邊.... 竟然係一個七老八十既阿伯搭住我膊頭望住係到笑...