[Exchange所在地]瑞典 - 斯德哥爾摩生活特別篇 Part 2 - 交通篇

上一篇講好野食... 呢一篇同生活都息息相關.. 

就係交通喇:) 係人都知歐洲交通費出名貴..

果然名不虛傳...  尤其係地鐵....=_=專劏遊客

  黎stockholm exchange...無返張access card係唔得掂既...

去邊都靠哂佢嫁喇...
佢就係stockholm八達通...但係佢唔可以用黎買野
淨係搭車嫁喳...

淨卡20蚊張.. :) 但如果要係stockholm long stay既話..
就一定要買月票... 因為除返開一定係抵好多..
同埋係可以搭任何stockholm SL交通工具..(地鐵 電車 巴士等等..)
除左arlanda express,sj,船同coach

而月票就有分adult同student..
成人: ~800kr/30days
學生: 560kr/30days  1560kr/90days

想買單程都唔係話唔得..
係遊客當然要買單程啦..
呢到搭車計錢方法同香港好唔同...香港地鐵係逐個站計錢
巴士就條條線都唔一樣價錢..

係stockholm就無呢支歌仔唱喇:)

單程票就25kr(有access card)...
一個鐘內有效...即係話一個鐘係可以喪嘟..
過左一個鐘又要比多25蚊嫁喇..

換句話講... 如果一個唔好彩轉車等得耐or有咩意外..

 又要比多25kr喇xd.... 不過買月票就無呢個煩惱

不過都有啲plan岩遊客既..

一日票連access card  , full price價錢作準

• 24 hours: SEK115 (full price); SEK 70 (reduced price)
• 72 hours: SEK 230(full price); SEK 140 (reduced price)
• 7 days*: SEK300 (full price); SEK180 (reduced price)

斯德哥爾摩地鐵

stockholm 既地鐵叫Tunnelbana...T-bana
呢個T字就係地鐵站既嘜頭...仲有J嘜頭..係第二種地鐵線
仲有一種地面輕軌火車既叫penaltåg.. 

個feel就係觀塘線同東鐵線既分別..一個地底一個地面...

stockholm地鐵其中一個特別之處..
就係個個站都好鬼靚..
大部分都係有畫有岩石有好多色彩...
 值得一提既係...佢係mtr營運...所以我係呢到都成日見到d staff著住有港鐵logo既衫xd

btw.... 地鐵係無英文廣播.更加無英文對照..
乜都要靠估嫁喇...
sor我又偷左圖 (Rådhuset站)


Stadion站

T-BANA得三種顏色既線...其實來來去去都會係CENTRAL附近徘徊...

仲有仲有...一種同香港唔同既..
地鐵只係需要拍入閘..
而出閘既時候 只要你行埋去...道門就會自己打開嫁喇 xd

(秘密: 我個fd成日都跟我一齊衝閘...咁佢就唔洗比錢喇haha....不過一定要行得夠快)

 呢到就係CENTRAL...其實真係好大....呢到只係其中一部分...三分一都無
我黎左4個月都依然會唔認得點行...因為真係大到好誇張..

 巴士
 
呢種就係STOCKHOLM既巴士...有藍色有紅色.. 而我最常搭既就係50號
Hornsberg <-> Stora Lappkarrsberget ...  (btw  巴士無得走數嫁haha)
瑞典既巴士....或者係歐洲既巴士都有個特色....就係通常都係起碼有兩卡或以上...
哥德堡見過有3卡...
心諗.... 轉彎容乜易攔腰撞到.....
所以通常都會見到個轆勁貼個行人路...但係又唔會hi到..
啲司機都真係幾勁...不過我都見個有巴士既側鏡差1cm撞到個路人haha

講完access card... 就講下access card 以外既交通工具喇 

機場巴

 要數來往arlanda機場同市區最方便既交通工具....除左arlanda express呢d貴到扒係到既火車之外..  當然就係要數彩虹巴士flygbussarna...

 但其實呢程巴士都真係唔平嫁...不過勝在一程車可以到機場

即場禁機買飛要139kr...  上網book就119kr... 車程約45分鐘到...但多數都會遲少少..一入到市區就成日都塞車..

想平?  有咩辦法?
當然有啦!用SL card都搞得掂;)

路線: 由central出發
central(15/16號月台) ->搭penaltåg去Marsta 站
然後去到就出返閘 轉583號巴士(terminal 5落車)
大約要1個鐘15分鐘車程...係就係煩啲..
但係可以用25蚊就到..都抵返啦 =D  月票仲唔洗錢添

不過呢...呢個方法只係限去arlanda airport... 而第二用得多既機場

skavsta 機場就真係要搭彩虹巴士喇...因為已經離開左access card cover既地方lu...
票價 : 159 kr (walk-in)   139kr (reservation by online)

 

唔想剩係留係stockholm?想出去玩? 當然無問題...

如果要係瑞典其他城市穿梳...緊係唔可以唔數SJ同埋mtr express...

SJ係一種穿梳瑞典既火車公司...仲可以去埋哥本哈根同奧斯陸

如果好早買飛...仲可以用180蚊hkd就去到copenhagen 同oslo嫁喇...

而mtr express 就係來往哥德堡同stockholm既火車... 有時票價仲低到有74蚊出現...

不過多數都係148kr for youth...不過要有debit card先可以係網上買飛..

呢樣就有少少唔方便...

SJ ..MALMO STATION



黎到歐洲...當然唔少得既緊係歐遊..
但因為STOCKHOLM實在太遠內陸..
所以去中歐就一定要搭飛機喇....
有冇airline好介紹? 實有啦!


唔洗問都知我又偷圖啦

呢間絕對係我最鐘意同首選既航空公司...高度推介
總部係OSLO... 所以係OSLO飛邊到都會好平..
不過當然都可以係STOCKHOLM出發
唔止航線多... 最緊要係好多destination都好平..
例如 :Helsinki 28.1歐   Munich 38歐   OSLO 34歐   BERGEN 48歐  AMSTERDAM 33.2歐
當然...要早啲卜先會平啦...呢樣野唔洗我提大家啦HAHA
 最最最最緊要一樣野一定要講既係...
呢間AIRLINE係唯一一間機上有FREE WIFI既航空公司...
咁既價錢...咁既質素...邊到搵先...

如果略嫌norwegian貴既話...(其實都唔算貴)
ryanair將會係你既second choice..
航線極多...  飛london stansted airport勁平... copenhagen仲平
london stansted airport: 139kr 最平票價
copenhagen : 49kr 最平票價
不過如果由stockholm出發...  就要去skvasta機場... 都真係幾遠下
彩虹巴車程要80mins...from central
所以要計total 機票錢...記得要計埋果139蚊喇...

其實唔洗擔心廉航會有啲咩安全問題..
我飛過好多次...仲飛得定過啲大公司..
有時仲會早左落機...
只不過個gate有時真係好鬼...好鬼...好鬼遠
行到跛都未去到...

除左ryanair...仲有一間好出名既低成本airline...叫easyjet
我自己好少搭....印象只係搭過一次..黎緊會搭多次...
因為stockholm只係得一條線... 就係由stockholm去geneva
佢有陣會有啲跳樓價既機票...  我見過由geneva飛stockholm 80蚊hkd都唔洗...
亦都會有d貴到扒係到...overall黎講算係平既..
其他歐洲內陸多航線 但stockholm淨係開一條....-_-
所以都比唔到咩comment...但有陣時都真係幾平既..
行李size比ryanair大少少...  不過都係10kg..



好喇....介紹左咁多交通工具..
希望會幫到大家唔洗做迷途小羔羊啦:p
比多個tips大家.... 雖然話skyscanner係好快可以show最平既airline..
不過如果大家可以勤力啲自己去search下唔同airline...
可能會搵到啲平啲既方法搭飛機...
因為skcanner 通常都只係會show直飛 同埋 同一間airline轉機..
但就唔可以show唔同航空公司轉機..
例如...如果我想去iceland...  雖然係可以stockholm搭norwegian直飛..
但其實都可以有另一個option...
就係搭ryanair去london stansted 轉easyjet去iceland.. .
呢啲option係skycanner係做唔到啲...
有時候自己search下會有多啲驚喜 ^3^   同埋.... 官網係多數平過agent既

oh...而家呢邊都兩點幾...係時候訓教...早抖
希望篇blog幫到大家 xd