[Exchange 第七站] 瑞士 - 巴塞爾 Basel 一日遊

 巴塞爾係瑞士第三大城市...  位於德法瑞三國交界 :) 行路都有機會行到過去 ^_^
有機會可以去Dreilandereck...呢個地方可以望哂三個國家..
不過拎J今日無去到影唔到相嚕..

今日我地由ZURICH出發... 去到MAIN STATION買飛...
去果啲紅色售票機到買張由zurich去basel既飛... half fare係16.5chf
  (拎J又再次扮細路偷雞買半價).... 原價33chf.... 真係除埋褲都比唔起..

點知上到車真係過到關^_^ 可能我個樣夠細路仔啦 ^3^

由蘇黎世去巴塞爾車程大約係一個鐘多啲...
其實唔算太遠... 一日來回都夠哂

到埗之後就去左tourist center拎左張地圖 :) 職員會好細心教你點樣行...但係景點唔算多...
出左tourist center 直行一分鐘會見到一個公園..

直穿過去就開始巴塞爾既輕鬆散步之旅 :)

係遠處見到個同科隆大教堂好相似既物體...
叫做Elisabethenkirche ...位於Elisabethenstrasse 10

 當拎J諗住開首門入去既時候..
發覺有人類似講緊TALK既情況...
仲有人目怒凶光咁望左我一眼..
嚇到我即刻出返去:O

沿途會經過呢啲建築..
用色有啲北歐既STYLE..

 一路直行就會見到好多商舖

 行行下見到間SWATCH...黎到瑞士
點能夠唔衝入去睇下 :)
瑞士無咩平...得錶最平..
一隻鋼帶都係1000蚊有找.. :o)
款色仲要幾靚~
行入去見到有啲錶既款色有啲岩母親大人..^_^
見佢就快生日就諗住送隻靚錶 :)希望佢鐘意啦
 我估佢隻古董都帶左成30年... -_-

一路沿住freie street 黎行...就會見到town hall :)
呢個大廣場勁似stockholm既浴血廣場 :)
因為色彩都係咁sharp ^_^
拎J最愛紅色建築了 :)

見到town hall就知距離萊茵河不遠了
係巴塞爾見到既萊茵河 同係科隆見到既萊茵河..
我比較鐘意呢到...真係用色好靚:)

 在巴塞爾的萊茵河畔 :o

 行行下見有啲攰 就同友人share左兩個burger...  其實佢地真係唔平...-_-
加埋要24chf... around 200蚊港紙
如果budget唔夠真係真係唔好簡瑞士exchange :)

 上一張相仲係陰天岩岩落完雨..
過左幾個字突然又好天返..
心情真係靚哂^3^










係遠處見到兩座好似雙子既塔尖..
　就係巴塞爾主教座堂喇
Rittergasse 3

唔知點解一路行都見唔到:o |去到河邊又突然間出返黎 :o|
 向來係歐洲搵景點都係認塔尖既我....真係locate唔到佢係邊 :o 神出鬼沒

  係萊茵河條行人天橋... 就會發現一啲同心鎖既地方..
用途係咩唔洗我解釋喇:)

晚餐就黎到呢間 Restaurant Aeschenplatz :)

我地叫左tomato pasta..
一個咖喱飯 同埋一個meatloaf with french fries... 夾埋65 chf埋單..
抵就真係唔算抵嫁喇... 不過都幾好食... 同埋服務態度真係幾好..

由其有個好似老闆娘既人 真係好nice...好好禮貌....^3^ love her so much

食埋個飽飯就返左zurich了....btw 天黑黑我地搵左個站成幾個字....:(
行到腳軟..
basel一日遊就完了 :)
聽日繼續zurich悠閒之旅 ^_^