[Exchange第八站] 瑞士 - 少女峰 Jungfrau (The Top of Europe)

終於都黎到打大佬既日子...
少女峰- 係拎J其中十分期待既地方...
因為我從來都未睇過雪...唔好話雪山..

所以我由去exchange果一刻開始已經好期待..

首先我地由蘇黎世出發..然後搭火車去bern轉ICE... :) 再由BERN搭火車去interlaken 因特拉肯 ... :)

至於車費方面...如果大家有朋友仔有half fare card而又同行既話... 就可以以32.5 chf 既價錢擁有daypass喇 ^3^ 可以一日內係任何SBB(瑞士交通)通行.... 不過除左少女峰鐵路 ^_^

如果無DAYPASS... 就要逐程咁買...真係好貴..大家自己衡量下點樣買最平啦...
有種係4日SWISS PASS... 大約200幾CHF..

唉... 講件令人憤怒既事比大家知...
拎J上網訂左DAY PASS... RECEIVE印有qr code... 問左sbb啲職員...佢話一定要印出黎...
但眼見架火車仲有10幾分鐘就開..但以為一定要print就等下一架火車就算.... 點知ticket print左... 上車試下拎個電話比職員掃個qr code....點知竟然得左 @00000000@..... 換言之張ticket跟本就唔洗print出黎...咁就白白走左架火車..... =___= 真係比個sbb 八婆玩死..=.=

其實唔止咁...佢仲累我地走左幾班火車...
因為去少女峰頂既列車走一班就要等好耐..
我地較岩哂時間....點知走左一架火車就足足無左接近兩個鐘.... 真係咪再比我見到我死八婆\口/

 算喇:) 唔開心既野唔講咁多...  上到就得喇..
不過真係勁chur... 慢慢睇落去你就知有幾chur/__\


 去到Interlaken之後...就係少女峰登山既開始 :)

我地去到車站大約係2點...個職員已經話我地:you are too late!!!.....you just have 20-30 minutes to walk around the station...

佢意思即係話我地就算搭到上去...都只係得返20-30分鐘係上面行...仲要係搭緊尾班車上山

 但眼見手上既飛已經上網買左...成145chf (good afternoon ticket)  無理由就咁浪費左...
惟有硬住頭皮上去...  半個鐘就半個鐘...高山症都要跑跑跑....最多暈低.\/. 到時更加唔洗驚落唔到山.. (其實個心係咁喪鬧個sbb職員)




interlaken 既station

踏上少女峰的路途坐既第一架列車: BOB
由Interlaken -> Grindelwald
呢程大約坐半個鐘...
沿途風景仲未有耐睇到雪山住...
但係周圍都係綠草如茵既草原同埋小屋:o)
太美了

 第一程車有地圖睇...
上山有兩條路...
一邊係由interlaken去grindelwald..
一邊係由interlaken去lauterbrunnen...
但呢兩個站最尾都係會係Kleine Scheldegg到combine返一齊...  然後再搭上少女峰頂.. :)

今次拎J就求其簡左條線...即係去Grindelwald再去Kl.Sche 然後上山頂:)

 周圍啲景真係好靚..
今次唯一好好彩既係...天氣唔錯:)
個天都算藍 :o)影既相都十分靚

 沿途勁多牛牛係到食草:o
我咁大個都未見過咁多牛haha

 好多小屋:)
正正正.... 登上少女峰最重要就係上山有好天氣 :o

 到左Grindelwald喇 :)
架車就係咁既樣... 認住就上車啦 :o

 人地落山我地先黎上山...有啲驚驚地

等左10幾分鐘...又上第二架車去kleine scheldegg :)呢程車真係搭半個鐘多d

 其實架車行得唔算快~~
要影靚相好容易~唔會outfocus ^_^

 其實有人會步行上山...仲同我地啲懶人揮手...hahaha 如果真係行到上去...都真係好好好好勁 :) 因為我搭車都要2個幾鐘

 開始見到雪山既蹤影:)

臨落車既時候見到一大片雪山 ^____^
正呀....好壯觀!!!!!

 到左Kleine Scheldegg之後... 有成9個字transition time... :)  我地當然要把握時間周圍影相啦 :o

係站既隔離有間movenpick ^___^
上得雪山~~  當然不畏嚴寒食返杯雪糕
 當然係拎J最愛既swiss choc
出奇地...呢到賣得平過地面...
只係3.5chf一球 @0@無理由唔食掛???

 呢一架就係由Kleine Scheldegg上山頂既火車
但係呢程車係全程過隧道...無咩靚景睇..
大家可以休息一陣喇:)










因為窗外無野睇...唯有影車入面啦:)











架車真係好吉...全車得六個乘客...
因為係尾班車hahah
真係chur到爆爆爆炸

下個站就到喇 ^___^
好好好好好緊張...
一黎又驚凍死...二黎又驚無時間...
三黎驚高山症....




btw有個好好人既職員哥哥問我地要唔要飛站
等我地有多啲時間係山頂逗留^_^

 終於都到左少女峰山頂終站 : Jungfraujoch
海拔三千四百幾米....
不過一落車都仲係室內...未感受到涼意











一到站之後就開始呢個廿分鐘末路高山狂奔之旅.... 完全無視高山症既危險...haha

我地一行五人拖住兩個20" gip..
我自己揹住10幾磅行李係到喪跑..
我都驚自己會暈低..因為真係無乜氧氣

係山頂其實係一個展覽館... 大家上到去如果時間充裕可以慢慢行哂所有展覽...
有1-10號既景點...  好似兜一個圈咁..
所以10號景點之後就可以去返車站嫁喇

 但由於我地係要趕尾班車落山...
唯有要簡啲必去既景點留個影先再算喇 :)

我地由落車果下開始跑跑跑...
我地由1號開始跑....locate到右圖係around 4-5號 (唔係好記得)之後...就開始直奔過去室外地方...
感受下落雪既氣氛...^___^喪禁快門開始!



我只係留左係出面2-3分鐘....
已經成身都係雪 ...

 落返室內之後又係到狂奔..
直飛去9號景點plateau.... 呢個一定係必去既景點...如果上少女峰無去呢到影相...
真係唔可以當係黎過hahaha
好彩地...係我地未"慣"低之前趕得切黎呢到留倩影

個人照就唔放上黎喇:)
朋友們自己睇我ig or facebook啦

 趕得切搭尾班車落山(17:45)... 鬆左一口氣
但係我同友人都筋疲力盡.... 完全無力
好彩都仲有舊免費朱古力頂下肚...

(題外話: 我今日只係食左兩舊薯仔 2個蛋糕充飢....咁都頂到我都覺自己好勁)

 落山之後落雨無咩好影....

今日既旅程就結束喇;)
如果今日個行程可以長啲就好喇 :(
逗留係上面時間唔夠... 但係我地CHUR得勁開心..就算係跑到上氣唔接下氣...
都依然覺得好滿足 :) 因為都算達到目標
少女峰果然係人生其中一個必去既景點...
能夠上到阿爾卑詩山....真係好難得
唔知我下次黎係幾時呢??

搭左3個鐘頭車今晚去到洛桑市....朋友既HALL
聽日再繼續最後一日既瑞士之旅 :)