[Exchange第四站] 丹麥 - 哥本哈根 Copenhagen Day 1

終於都有機會離開瑞典  有機會去下第二個國家...
學友人話齋 出國其實好簡單 ^3^
因為....  由Malmo去哥本哈根只係需要半個鐘既車程:)
通常好多人去Copenhagen玩...都會順便買張車飛去埋malmo一日遊..
車飛價錢通常sek 75kr已經夠 ... booking車飛: sj.se  因為拎J買學生飛~ 所以就75kr有交易喇!

其實由malmo去丹麥真係好近...
快過你由屯門出旺角 ^3^
過條橋就係嫁喇

 其實係咪個個中央車站都係半拱形嫁呢?_?
我好期待exchnage之旅見到個唔係半拱形既centralstation haha xd

 丹麥既地鐵同瑞典一樣都係少人到爆炸..
雖然係central station既地鐵站...
一樣都係蚊都無隻...


值得一提 :  COPENHAGEN地鐵有分兩間公司 ...S同M
兩者都係好講途人既自律性 :)  上車前好似輕鐵咁拍卡...
咁當然啦 :) 總有啲衰人會走數既



























 而大家都想像得到....
我都係衰人一個

 沿途行過....唔知點解周圍都有野包住棟BUILDING...






































左圖圖入面有個紅色M字...
就係地鐵站其中一個出口喇












有人話...去哥本哈根唔去新港.. 唔可以話自己去過哥本哈根 ^_^ 因為呢個算係非常出名既景點... 所以呢到好多遊客



 搭地鐵係Kongens Nytorv站落車再行五分鐘就到嫁喇




 又真係幾靚既:)如果你地鐘意 ...仲可以去遊下船河添^_^

 沿住新港行過去  去到盡頭就會見到OPERA HOUSE..  :)

不過我就下次先去:) 今日唔夠時間










 行到攰攰地有啲餓...就要去搵下野食喇..
不過如果BUDGET有限 建議都係唔好去新港食喇:) 遊客區都唔方平得去邊..

經過見到有間MAGASIN...
入面有好多名店... 如果大家想睇掃名牌貨
呢到絕對岩哂你 XD











 搵到腳都跛左...周圍格價
終於見到有間平靚正... 呢間係一間睇波既bar黎...入面無咩人...
餐廳名聽日再話比大家知 xd  要double check下 :)

我地叫左beef guiness pie(重口味), 雞肉芝士pasta..  又有我最愛既ribs.. 雞肉burger..  芝士雞肉薯片...

 總數係dkk 519...  我地四個人除開每人都係130dkk到...  算係幾抵食嫁 :)