[Exchange第三站] 瑞典 - 馬爾默 Malmö day 3

 黎到馬爾默第三日喇:)  估唔到今日係最有驚喜既一日 ^3^...

今日既行程係由12點開始 (ps 因為拎J訓得比較晏 xd)
有預備地去左呢間餐廳食buffet :p 琴日見到已經好想食~   但係為左慳錢都係去左隔離食pita~

btw 今日終於有機會入去...
一心以為可以試下sweden既buffet....
點知. . . . . 奇妙的事情發生了!




 一入去到...點解啲野食咁有中國特色既????
有炒牛肉.. 春卷..叉燒...  蒸鱈魚...熟左既菜....etc

同埋 當我地迷罔唔知係比左錢先定食左先既時候...
有個中國人侍應無啦啦問我地係咪中國人 @0@...

跟住就叫我地比左錢先食xd 因為好多人會走數..

好啦... 比完錢出去拎野食..
返埋位坐低食食下既時候...聽到餐廳既background music...
點解咁似廣東歌既??.....
聽真啲....竟然係 JUNO既歌.... @0@ ???
我同友人都好驚訝...


 侍應同我地講... 原來呢間係中國同泰國crossover既buffet ...  先至恍然大悟haha

諗住去食下swedish buffet..  誤打誤撞去左中國人餐廳..
仲要聽到香港歌..  hahahah   太奇妙了



btw,   味道方面  真係幾好食嫁
仲可以自選一啲未熟既野食即場比佢bbq煮..  香好多
而且價錢亦都唔貴... lunch 只係 119kr  (sat /sun )  平時99kr



位置:由central直行到聖彼德堡大教堂...then轉左直行入去一間大商場. .. 門口寫住 xx - 21  (xx係咩唔記得左)
 入面應該係有間ICA的..
















 呢間就琴日拎J食PITA果間喇












食飽飽係時候消化下行過去城堡Malmöhus喇 :)
其實路程一啲都唔遠...

但係拎j同友人行左八個字.....正常應該行15-20分鐘ONLY

原因 : 我地唔識路兜左個勁大既圈 :( 兜完先知自己戇居





不過都好彩入面都幾好睇:) 啲展品都幾吸引
入場費SEK20  (STUDENT)   SEK 40 (成人)
  19歲以下free

         

 拎J手多多走去禁下部琴..
果然走哂音xd

 呢幅相睇落有啲恐怖... 因為好多個頭像

呢啲全部都係二戰後係馬爾默監獄既釋囚..
為左紀念佢地有得放返出黎..  就影相留念
亦都係佢地人生唯一有得影相既機會...
釋囚仲獲發每人一張車飛返鄉下...
睇落又幾好bo

 呢個museum最主要都係講二次世界大戰..
如果大家有興趣記得黎

好喇 我都唔劇透咁多
留返大家自己睇黎啦 xd

 今晚呢餐就豐富 lol
係中餐之夜..
有炒磨菇... bbq醬炒豬扒..  炒油菜..  焗豬肋骨..
同埋 ..... 有白飯同湯!!!!

湯:  紅蘿蔔 粟米蘋果煲豬肉 :)   正阿 :)
有個識煲湯既友人真好 :)


有啲掛住媽媽煲的湯了

~~~~~~~~~~~~~~~~~Malmö 遊記結束~~~~~~~~~~~~~~~~~~~~~~~~

下一站 :哥本哈根